NUNCA SEN ALMORZO!!!...E SEMPRE RECREOS SAUDABLES

Un ano máis o CEIP do Xurés participamos nunha nova edición da actividade promovida pola Xefatura Territorial de Sanidade de Ourense “Nunca sen almorzo… E SEMPRE RECREOS SAUDABLES!!”

 

O obxectivo principal da actividade é o de informar e sensibilizar aos nosos alumnos e alumnas da importancia dun almorzo correcto, dos alimentos máis apropiados para o seu consumo no recreo e da actividade física.

 

Así o día 23  de novembro recibimos a visita de Purificación Nóvoa Fernández, técnica de saúde, coa que aprendimos moitísimo sobre alimentación e sobre a importancia de levar unha dieta sana e equilibrada.

Pero non veu soa… Tivemos a sorte de ser elixidos como o centro no que ía arrancar dita actividade neste curso 2015-2016. Así, tamén nos visitaron:

• A Delegada da Xunta en Ourense: Marisol Díaz Mouteira
• A Xefa Territorial de Sanidade: María Villar Suárez
• A Xefa Territorial de Educación: Mercedes Rial Gallego

Para rematar a parte teórica da actividade, o alumnado de Educación Infantil e Primeiro Curso de Educación Primaria simularon unha pirámide alimentaria con gorros verdes, laranxas e vermellos. Durante o recreo levamos a cabo un xogo conxunto para todo o colexio no que se promovía a actividade física e para rematar merendaron froita e un lácteo.

 

 

 

 

Foi unha mañá distinta, ben aproveitada e moi divertida.

 

MAGOSTO 2015

Que ben o pasamos !!! Este ano non puidemos ter mellor tempo para a  celebración do magosto, puidemos gozar dunha festa estupenda na que houbo moitas castañas, e non só para comer, xa que as castañas foron as protagonistas de todos os xogos que fixemos: " hokei de castañas" "Carreiras de culler con castaña", Carreira de sacos de castañas"...Houbo quen logrou completar todos os xogos con gran habilidade!!!
Pero, claro, mentres nós estabamos rindo e xogando, Paulita, a nosa cociñeira preferida estaba a fecernos un xantar de magosto riquísimoooooo!!!
Tamén agradecer os traballadores do GES de Lobios que pepararon a fogueira e nos asaron as castañas como uns grandes chefs: estaban boísimasssss!!

Podedes ver máis fotos na galería da páxina web do centro!!